Deutsch

Test

Mundoart-Musi

mundart-musik.at is a Portal fia moderne Mundoart-Musi, a Portal fia de Zuakunft, ned fia d'Vergaongenheid.
Natiali ist owa grod de oidherbrochte Sproch wichti.

D'Mundoart-Musik und d'Künstler, de af dem Portal präsentiert werden, messn bestimmte Kriterien erfü'n.

Mundoart ist Vüfoid - Mundoart san Mundoarten

Va Vorarlberg o'gsegn redt' ma in Österreich baIrische (ow ned baYerische) Dialekte, genau mittelbairische- und südbairische Mundoarten. De mittelbairischen Mundarten findt' ma do gaonz kloar efter.

D'Mundoarten san am Z'ruck-Geh', was voi schod ist, wos ma owa bis za an g'wissn Grad ned verhindern kao.
Trotzdem gibts a heind no a gaonz sche vüle regionale Mundoarten, iwahaupt in den ländlichen Regionen.

Mundoart-Musik bekaunnter mocha

Bekaunnter moch, wei:

  1. De Mundoart-Musi af mundart-musik.at is oafoch guad zan hearn.
  2. Da Text ist guad, kinnan si vü Leid damit identifizieren. Ned aglei, dass a Sproch g'sunga wird, de ma - hoffentli - a im Oitog redt, a de Inhoite, iwa de gsunga wird, haom oft an gaonz stork regionalen Bezug.
  3. Und de Musi is a hibsch genauso guad wia ba Charts-Liader - mit bessere und ned gaonz so guade Künstler.

Und obwoi de Musik af dem Portal genau aso guad is, wia de in de Charts und durch den "Lokalkolorit" vielleicht sogor no interessanter is, gibt's 1 Problem:
Sie kennan earscht gaonz weng Leid.

Mundoart-Künstler höfa:

Wos mit'n 1. Punkt gaonz stoark zaom hängt: Mit dem bekaunnter mochn, wü des Portal a Mundoart-Musiker höfa.

Grod in Österreich is ois Künstler verdaummt schwar, dass ma mit seiner Musi hoiwegs a Göd mocht. Und do red i ned davo, dass ma reich wird und a ned davo, dass ma va da Musi hauptberuflich lebn kao, na: In Österreich is de Kunst oft ned amoi a interessante Nebenverdienst-Variantn, sondern grod aglei a Hobby.

mundart-musik.at wü Künstler gaonz konkret höfn, dass mehr Leid kennan, dass mehr Konzert-Kortn und Liader verkafn, oder dass iwahaupt earscht Konzerte und Plottenverträg kriagn.
Wei nur waon ma wenigst a weng a Göd mit seiner Musi mocht, daon wird ma des a laongfristig mochn - und ned, wia's leider a grod vüle Mundoart-Künstler mochan, noch aner Zeit oafoch aufhearn.

Mundoart-Musik is koa Austro-Pop

Wos Austro-Pop is, hängt do davo o, wia ma's definiert. Ba da weidesten Definition is des a jede Pop-Musik aus Österreich.
Meist versteht ma unter Austro-Pop owa Musik in Mundoart, in weanerischer Mundoart - und zwoar wurscht aus wöcherner Gegend die Künstler staomman.

Was Austro-Pop ist, hängt von der Definition ab. Bei der weitesten Definition ist das jede Pop-Musik aus Österreich.
Meist versteht man unter Austro-Pop jedoch Musik in Mundart, in wienerischen Mundart - und zwar egal aus welcher Gegend die Künstler stammen.

Va dera Interpretation hoid i goar nix. In Österreich gibt, wia i scho vorher g'schriem hob, vüle verschiedene Mundoarten und de messn si an in der Musi wiederfinden.

Diese Interpretation lehne ich strikt ab. In Österreich gibt es, wie schon eingangs geschrieben, viele verschiedene Mundarten und diese müssen sich auch in der Musik wiederfinden.

Authenthische, regionale Mundoart

D'rum is a Grundvoraussetzung fia de Künstler, de af dera Seitn vorg'stöd werden, dass in aner fia eaner Herkunftsregion authentischen Mundoart singan.

"Authentisch" wird va mir sicher großzügig ausg'legt - i bi koa traditionalistischer Mundoart-Purist - owa a großer Freind va aner ehrlichen, echten Mundoart der Gegenwoard.
Ma soi scho gaonz kloar segn, va wo de Künstler her kemman.

Moderne Elemente, ba Text oder Musik oder Text und Musik

Text oder Musik oder Text und Musik soitad a aus der heidigen Zeit staomma, Mundoart-Musik wia's mir taugt, is koa traditionölle Volksmusi - a waon i de schätzn tua.

Grod de Synthese aus der traditionöllen Sproch mit moderne Elemente mocht den Roaz va "meiner" Mundoart-Musik aus.
Genau a so kao ma der oidherbrochtn Sproch a in der Gegenwoard und Zuakunft an Plotz gebn.